Openrice西餐必食2023 | 高CP隱世美食 | 中環銅鑼灣｜Little Bao

喺Openrice.com（中環蘇豪 & 銅鑼灣Fasion Walk）有大量好評，綜合評分高達4.5粒星嘅Little Bao小包包，絕對係香港12,000間餐廳入面嘅頂級名店之一！

Little Bao小包包就喺中環蘇豪，以及銅鑼灣物Fashion Walk兩度為大家開店，地理位置真係好方便！重要嘅係，Little Bao小包包嘅主廚May Chow，係2017年嘅亞洲最佳女廚！佢真係非常之有功力有實力，而且佢嘅創意力真係非比尋常！

Little Bao小包包其中嘅招牌菜之一「招牌豬腩包」，當中用咗慢煮豬腩肉肉，仲有芝麻蛋黃醬、海鮮醬同好鮮甜嘅紫蘇韭菜沙律！一咬落去，豬腩肉鮮嫩多汁，入口即溶，加上紫蘇韭菜沙律嘅清新口感，冇油膩嘅感覺之餘仲非常「Fresh」！

(招牌豬腩包 | Source: Openrice.com)

仲有咩推介？點少得香港人至愛嘅炸雞！

Little Bao小包包嘅招牌炸三黃雞嚴選本地三黃雞，以中式方法醃製，炸油以用四川花椒和辣椒提煉而，而炸漿係揉合咗日本同美國嘅風格，炸好雞塊之後再以美國南部 Pop Chicken 嘅方式調味。外皮酥脆、肉質嫩滑⋯⋯係咪聽到流晒口水呢？！

(招牌炸三黃雞 | Source: Openrice.com)

食完咸嘅餐點，梗係唔少得甜品啦！Little Bao 準備咗兩款特色甜品等緊你：綠茶雪糕包&鹽味雪糕包！

( 鹽味雪糕包 | Source: Openrice.com)

睇下Openrice上嘅評論咩講，有人話：「我同朋友都係為左尼個甜品而黎的。外層係炸饅頭既質感，再夾住雪糕食，冷熱交替係幾正」。另一個評論話：「雪糕包都係佢哋嘅得意之作。炸包超級鬆脆，但係完全不油膩。比起中式炸饅頭更好食。」，仲有人話：「外層係炸得香脆嘅金黃色饅頭，夾住茶味香濃又唔會過甜嘅綠茶雪糕同煉奶，外脆内軟冰火交融，大推！」……

( 綠茶雪糕包 | Source: Openrice.com)

千祈唔好錯過呢個難得嘅機會，快啲嚟到中環蘇豪或者銅鑼灣Fasion Walk，Book枱試吓啦！保證有驚喜呀！